1. 主頁
  2. 專欄

低俗撚學人講夢想

廣告

夢想撚
其實交, 嘈黎為左咩?

據說係上一年既同期, 我都仲係一個ON99 既新仔咩都唔知, 睇住BTC個價都係1000幾美金一粒, 依然覺得佢好貴.. 不過今年我睇番上一年, 如果我有買都有執左七倍既錢。

由上個星期睇下新聞到今日, 部份既新聞都係講緊而家有咩大型既資金 (索羅C都玩…)入場, 早期都有講過, 其實真係好多大型資金對加密貨幣市場蠢蠢欲動。原因好簡單, 因為到而家為止, 相比係股票市場, 佢地更加可以玩得顛D.. 點解? 連咩英雄鏈太空鏈 (真係咁架個名, 咪撚笑啦…) 都可以昆左10幾億美金出黎, 咁你諗下個市而家D人有幾撚弱智??

市場上面, 假設有100%既錢, 大部份, 可以話係90%既錢都係散戶既手, 而家10%當然係庄家手上, 而佢地吸水既方法就係用佢地既金融知識, 心理知識去做到個市, 挖好個窿俾散戶跳入去, 況且而家個市場己經有好多衍生既工具係加密貨幣市場中推出左, 即係代表佢地用更大既利益去引班傻仔玩… 無錯, 我自己話人地係傻仔係不自量力, 原因要係依個市場上面搵到賺錢俾我叻既大有人在, 但係我見到同聽到既大型資金代理人都不停係依個市場上佈局, 係度不停咁諗點去做大佢地個產品吸錢既時候, 坊間既玩法好明顯又係中左佢地個局…

大部份既賺大錢既人, 什至係老師都教大家, 點去係個市場上搵錢, 其中一個就係叫 “逆人性操作” , 姐係D舊時既理論 “人棄我取” … 不過有冇諗過, 人地係取之前基本上做左好大堆功課先去做投注, 什至係有好多專業既騙局, 由PROJECT, MEDIA, 至到社群都係由同一班人攪出黎為左圈錢… 至於手法都係差唔多, 搵兩個早年投資左比特幣成功發撚左既人出黎講兩句.. 至於佢地點解會幫個項目站台? 好簡單, 錢囉…

美國好明白到, 太多SCAM係個市場上面, 佢地係2月己經好明確咁希望大家, 多多舉報你認為有問題既PROJECT, 等佢地可以去查一下件事係點, 早D話俾大家知依壇野係堅定流.. 另外佢地都奉行左佢地自由主義, 成立左自律組織 (SRO,Self Regulatory Organization), 而依個IDEA都俾GEMINI既兩位CEO TYLER & CAMERON 舉腳支持 (當然, 我唔係好知道點RUN依壇野… )

印度, 好少可會有大型既反對, 又或者係有, 我地平時都冇睇開, 不過今次佢地政府BAN左加密貨幣交易, 好明顯既原因係佢地會出自己既TOKEN (RBI) … 件事係佢地本土上面引起IT界既一個大反抗, 姐係話俾佢地知, 你玩就得, 我玩就唔比? 印度曾經錯過左IT1.0同埋AI既時代, 佢地印度IT佬更加唔想再錯過區塊鏈, 因為區塊鏈某個程度上面可以幫佢地解決到國內既失業問題, 而家一句就將成件事自己霸哂黎做, D人唔屌鬼就奇…

有時身處香港, 大家仲停留係咩算力合約挖礦呃人既位, 睇下其他國家己經因為區塊鏈而團結一起, 希望可以攪好自己國家既經濟, 令到自己唔好係依個大時代上面有落後, 但係我地香港仲係\係某一個位度屌黎屌去又唔知為咩, 錢又賺唔到, 但係又哂尻哂自己D時間.. 有人去提出某D新既見解既時候, 佢地己經急不及待去打殘人地既諗法, 令到好多有心係依方面發展既人感到氣餒, 其實… 香港一早俾中國爬左頭, 各位上左位既老海鮮, 或者日日係電腦面前打飛機既朋友仔, 放開下你自己果套, 去聽多D人講野, 相信聽多睇多, 以香港人既質素加上係國際社會既地位, 可以重新上番去世界頂峰 ~ (我知實有人屌我懶偉大, 但係好多大事件什至係革命, 都係吹吹下吹出黎, 你估夢想真係係人都實現到架? )

FACEBOOK PAGE : https://www.facebook.com/lowlevelcryptotalk/

TELEGRAM尻吹交流區 : https://web.telegram.org/#/im?p=@lowlevelcryptotalk


免責聲明: 作者意見不代表本網立場,投資涉及風險,代幣價格有時會大幅波動,價格可升亦可跌,更可變得毫無價值。投資未必一定能夠賺取利潤,反而可能會招致損失,往績數字並非未來表現的指標。投資前應先閱讀有關產品的發售文件、財務及相關的風險聲明,. 並應就本身的財政、其他狀況及需要詳細考慮並考慮決定投資是否切合本身特定. 的投資需要。


Timetocoin致力為中文讀者蒐集最新的加密貨幣及區塊鍊消息。如讀者對網站有任何建議,請電郵我們 – info@timetocoin.com

交流各種加密貨幣話題,接收最新情報,加入Telegram群組: https://t.me/timetocoind

Timetocoin致力為中文讀者蒐集最新的加密貨幣及區塊鍊消息。如讀者對網站有任何建議,請電郵我們 – info@timetocoin.com。 交流各種加密貨幣話題,接收最新情報,加入Telegram群組: https://t.me/timetocoin

發表迴響

登录后才能评论