1. 主頁
  2. 專欄

硬盤挖礦 ( 六 ) – 被譽為新一代雲儲存項目Filecoin 簡介| 九十後礦工

相信大家對 IPFS 和 Filecoin 呢兩個字都唔會陌生,但兩者之間的關係,同分別大家又有無清楚知道了解過呢?筆者會一連幾集,由深入淺出的形式,分享下關於 IPFS 基本知識同應用,和Filecoin 的角色,希望能帶大家逐步去認識佢地既技術。硬盤挖礦 ( 六 ) – 被譽為新一代雲儲存項目Filecoin 簡介| 九十後礦工
可能大家上網去Search “IPFS” 或者 “Filecoin”,都會發現佢地兩個字成日同時出現,點解同一個項目,會出現兩個唔同的名稱?
今集筆者嘗試分開三部分,慢慢同大家介紹下,由佢地的開發團隊的背景,去到IPFS的簡介和Filecoin的角色,睇完大家就會清楚晒。
一. Protocol Labs – IPFS 的開發團隊
 
於 2014 年夏天,創辦人Juan Benet ,成立Protocol Labs ( 協議實驗室 ),而係下一年, 2015 年 1 月,他們發佈了一個基於區塊鏈的技術研發的新項目 – IPFS ( InterPlanetary File System,星際檔案系統 )。當然佢地旗下目前仲有幾個項目係度運作緊,例如有 libp2p、IPLD、multiformats 和 Orbit 等等,而最終大家的眼光都集中係 IPFS 的發展。硬盤挖礦 ( 六 ) – 被譽為新一代雲儲存項目Filecoin 簡介| 九十後礦工
二. IPFS 的簡介
 
IPFS 全名為 InterPlanetary File System,星際檔案系統,呢個項目係以區塊鏈的技術去研發,目的是創造一個分散式儲存的文件的網路,令上載在網上的檔案 ( 音樂,影片,新聞,程式檔案等等 ) 可以係網上分散式儲存。
香港人比較熟識的 Bittorrent ( BT ),就係做緊類似的工作,但唔同的係 IPFS 是使用左區塊鏈的技術去設計,擁有區塊鏈本身的特性,例如去中心化 ( Decentralization),檔案加密技術,與資料不能被竄改等等。
傳統互聯網HTTP的問題
宜家我地係互聯網上面,幾乎全部網頁都係用緊 HTTP ( 超文本傳輸協議 ),但係隨住互聯網爆發性的增長,慢慢 HTTP 的問題就顯露無遺。
1. 你上網果時有無曾經見過一 D 網頁出現 404 Error?其實呢個就係代表左儲存網頁的伺服器已經唔存在,伺服器已經停左機,而儲存係入面的檔案同數據永遠消失晒。
硬盤挖礦 ( 六 ) – 被譽為新一代雲儲存項目Filecoin 簡介| 九十後礦工硬盤挖礦 ( 六 ) – 被譽為新一代雲儲存項目Filecoin 簡介| 九十後礦工
2. 一個網頁 ( HTTP ) 流量和儲存量愈高,成本就愈高。以 Youtube 為例,他們要儲存海量用戶上載的影片係自己的伺服器中心入面,單單係增添伺服器存儲容量、建設一些應付大瀏覽量的網絡設備,以及放置伺服器的地方,呢幾方面所涉及的成本已經係非常龐大。
3. HTTP 超文本傳輸協議的伺服器要不間斷咁工作 ( 7 X 24小時 ),另外又要防止 DDoS 攻擊 ( 中心化伺服器常面對黑客攻擊,黑客會以海量的次數去訪問伺服器,籍此癱瘓伺服器的網路,令正常用家上唔到呢個伺服器上的網頁 )。
而IPFS的出現,就係為左解決以上的問題。
IPFS 或點對點 ( P2P ) 的優勢 1. IPFS網絡使用左區塊鏈的技術,我們上載的檔案,將會儲存係唔同的節點上面,而唔係單一的伺服器中心入面,呢個做法避免左因為單一伺服器中心故障或者停頓,而令檔案丟失,將檔案永久儲存在區塊上。 2. 存儲的檔案會被分拆,然後再放在不同區塊上,並由節點儲存 ( 不同礦工的礦機入面 ),所以不會比單一一個公司或者中心機構所擁有,或被偷看。而檔案分拆前會得到加密的保護,因此,節點亦無法偷看到用戶上載的檔案內容。
3. 因為檔案係分散唔同節點上面,所以每當有用戶使用 IPFS 的網絡,去下載檔案時,各個節點會提供上網帶寬同存儲空間的資源,將數據由唔同的地方輸到用戶的裝置上,咁樣除左可以減低數據的傳輸成本外,同時數據可以更加安全快捷進行傳送。
硬盤挖礦 ( 六 ) – 被譽為新一代雲儲存項目Filecoin 簡介| 九十後礦工硬盤挖礦 ( 六 ) – 被譽為新一代雲儲存項目Filecoin 簡介| 九十後礦工
圖片來源:https://bihu.com/
 
圖:比如一個檔案入面,有 “IPFS” 呢4個字母,系統就會分別將他們儲存在唔同的區塊當中。當需要下載時,我們只需要提供文件的哈希值,系統會從最近我們最近的節點,將檔案傳輸到我們的裝置上。如果最近的節點不存在,我們亦可以從另一個節點進行索取文件碎片。
咁邊個會貢獻自己的容量同上網帶寬去儲存用戶的檔案,咁就要講到 IPFS 平台上面的代幣 – Filecoin。
三. Filecoin的角色
 
在 IPFS 的平台上面,現時唯一流通的代幣就係 Filecoin。所以係網絡上面,使用者存儲檔案時,就要付出 Filecoin 去得到服務,而負責存儲和檢索檔案的節點就會得到 Filecoin 的獎勵。

今日暫時講到呢度,大家可以先慢慢吸收一下上面的內容,有興趣的朋友亦可以上網搜索更多有關 IPFS 的資料,下次將會講下多D有關 Filecoin 的挖礦原理,同埋分析下佢既潛力。


九十後礦工https://www.90hkminer.com
Facebook:https://www.facebook.com/90miner/
Youtube Channel:https://www.youtube.com/channel/UCDPKpkxVpN7lqjebeKrjhgg


Timetocoin致力為中文讀者蒐集最新的加密貨幣及區塊鍊消息。如讀者對網站有任何建議,請電郵我們 – info@timetocoin.com

交流各種加密貨幣話題,接收最新情報,加入Telegram群組: https://t.me/timetocoind

Timetocoin致力為中文讀者蒐集最新的加密貨幣及區塊鍊消息。如讀者對網站有任何建議,請電郵我們 – info@timetocoin.com。 交流各種加密貨幣話題,接收最新情報,加入Telegram群組: https://t.me/timetocoin

發表迴響

登录后才能评论