投資評論精選主題

[幣時博客] 2018年要Mon實嘅Crypto – Monero

Bitcoin嘅成功大量增加左其他加密貨幣嘅收視率。但係如果你係新手,又想研究其他有潛力嘅,再係交易平台上望住一大堆貨幣,真係會唔知睇邊隻先好。

點解會出現其他貨幣

Bitcoin 雖然係第一隻, 而又係最出名嘅加密貨幣。但佢嘅缺點亦都非常之多,亦都唔係所有Application都岩用。而因為佢去中央化嘅特點,要去改變佢嘅特性暫時只能靠HARD FORK,造成今日市場上面出現其他bitcoin分支。包括近期炒得好勁嘅Bitcoin Cash,Bitcore,同埋由一個香港人發起嘅Bitcoin Gold。 要知道點解其他貨幣可以冒起,首先你要知道Bitcoin嘅弱點。

挖擴變成軍火大賽

標榜去中央化嘅bitcoin,其一開始嘅理念係一人一票,一般大眾可以係屋企利用家用電腦嘅資源去挖礦。但係發展到今日,因為ASIC(Application Specific Integrated Circuit)晶片嘅出現,挖礦以經唔係一般市民玩得起嘅玩意,用電量之巨大變成左投資者帶住上千部ASIC電腦穿州過省,尋求最平電力嘅地方設廠。變相而家大部份嘅bitcoin都係黎自中國,包括BTC CHINA POOL, DiscusFish, AntPool, BW Pool 等最大嘅BTC供應商都係中國企業。

私隱度低

好多人認為比特幣嘅特點係私隱度高,買賣雙方都唔知大家身份。但其實大家用嘅電子錢包地址,係過數時要交俾對方,而因為任何人都可以係public ledger上睇到由開始到而家嘅整份交易紀錄,只要有心查就可以知道你做過嘅交易銀碼。想像下你只係係朋友之間做交易,你朋友可以見到你銀包地址所做過嘅交易銀碼,咪即係變相佢知我有幾多錢?

區塊容量太細

Bitcoin係8年前嘅產物,原先嘅創造者可能跟本冇諗過到今日會有咁大量嘅交易量。現時Bitcoin嘅區塊上傳時間係約10分鐘,如果你個Transaction唔好彩入唔到呢個區塊,Sorry除左等下個你冇咩可以做。

Monero (XMR)

Market Capitallization: $3,7billion USD
Total Supply: 15.6/18.4 Million

一講到bitcoin,好多人都會話係D黑客用黎係Dark Web買野用。少年,你太年輕了。因為BTC私隱度低嘅問題,而家係暗網購物,唔計以經被封殺嘅Silkroad, AlphaBay, 連同今年上位唔夠一個月就被封嘅Hansa,Wallstreet Market 同其他新俊暗網交易平台都以Monero作為主要貨幣。In some case 佢地仲認為Bitcoin拖累佢地。但係當然因為BTC嘅流通度高,所以某D平台依然接受。每日交易量同埋價位都排起頭五位嘅XMR,自2014年4月起開始發行。

私隱度No.1

自動利用環型簽名黎混淆交易地址,真正做到匿名交易。同時,XMR嘅交易紀錄係睇唔到有幾多錢由A傳去B,亦都確認唔到同一地址上剩返幾多錢。
Price discrimination對於全世界好多企業黎講都好普遍,好多商品同服務,機構唔會想俾人知道佢地賣緊幾錢同賺緊幾錢,亦都唔可以俾對家知佢有幾錢係手。而對於一般用家,亦都可以放心交易XMR,因為佢唔會好似BTC咁有機會被標籤,唔好彩收到黑錢嘅話有可能渣都冇得剩。

挖礦算法

XMR係其中一隻反ASIC嘅貨幣,佢嘅挖礦算法專門設計到令ASIC對住一般家用電腦唔會出現太大優勢。即係話你同我同大部份廢青都可以利用屋企部爛鬼主機黎挖礦。變相XMR未來會有更多嘅獨立用家,不竟用家同believer先係Crypto嘅價位核心。

區塊容量自動調整

BTC區塊容量SET死左,平均每十分鐘先更新一次,交易處理之慢都唔係第一日嘅問題,如果你好急嘅話就只能俾更多嘅交易費用。XMR嘅平均更新時間為2分鐘,就算第日用互人數大幅上升,交易量大增,秀過調整區塊大細,交易時間一樣可以keep到。

係高達9成失敗率底下,要挑戰比特幣嘅地位一定要經過時間嘅洗禮,經歷用家同網民嘅考驗。一隻有潛力嘅加密貨幣,需要嘅利好條件非常多,Monero擁有一班其他公司望塵莫及嘅死忠,一班務實嘅開發人員同埋肯聽意見領導。係2018年,筆者期望 Monero 會發佈更多重大更新。

BTC Shop Hong Kong

廣告查詢 ADVERTISE
閱讀更多
Close
Back to top button